Վերջին գրառումը բլոգում

Page

ՏԵՂԵԿԱՏՎԱԿԱՆ ՍՊԱՌԱԶԻՆՈՒԹՅՈՒՆ
Տարիներ շարունակ որոշ լրատվամիջոցների խնդրում, հորդորում, պահանջում ենք չհրապարակել ապատեղեկատվություն, բամբասանք, զրպարտություններ ու այլ ստորություններ։ Տարիներ շարունակ փորձում ենք մեր որոշ լրատվամիջոցներին բացատրել, որ չի կարելի երկրի բարձրագույն ղեկավարության մասին ստեր հնարել ու տարածել։ Որ չի կարելի պատերազմի մասնակիցներին վարկաբեկող նյութեր հրապարակել (խոսքը ստի մասին է)։ Որ չի կարելի հանրությանը մոլորեցնել ու այդպես շարունակ։ Երբ քննադատում ենք այդպիսի լրատվամիջոցներին ու ամեն անգամ հիշեցնում, որ մենք պատերազմող երկիր ենք, որ մենք ունենք ազգային անվտանգության խնդիր, արժանանում ենք խորը քննադատության ու վիարվորանքի։
Այսօր ադրբեջանական լրատվամիջոցներն ակտիվորեն օգտագործում են հայկական որոշ լրատվամիջոցների տարիներ շարունակ հրապարակված ստոր ու կեղծ ստերը ու դրանցով դիրքերն ամրացնում տեղեկատվական պատերազմում։
Քանի որ եղավ վատ առիթը ու մենք արդեն գործնականում տեսանք, թե որքան «զենք» ենք տվել հակառակորդին, կարծում եմ գոնե այսուհետ ամեն անգամ կհիշենք, որ սուտը, կեղծիքը, զրպարտությունը չի կարելի առանց ստուգելու, առանց արժանահավատ ապացույցների հրապարակել։
Տեղեկատվական պատերազմը շատ նման է իրական պատերազմի։ Տարիներ շարունակ հակամարտող կողմերը զենք են ձեռքբերում, դրանք տեղաշարժում, մոտեցնում են սահմանին կամ շփման գծին ու հարմար առիթի ժամանակ կրակ արձակում։ Նույնն է նաև տեղեկատվականում, տարիներ շարունակ հակամարտող կողմերը հրապարակված զրպարտություններ են ձեռք գցում, դրանք տեղաշարժում, հավաքագրում, թարգմանում տարբեր լեզուներով ու հարմար առիթի ժամանակ դրանով «կրակ» արձակում։ Եթե իրական պատերազմում կողմերին փող է պետք զենք գնելու համար, ապա այս դեպքում դրանք անվճար տրամադրում են կողմերը։ Կարդալ շարունակությունը …